1991 թվականի օգոստոսի 6-ին բրիտանացի գիտնական Թիմ Բերներս-Լին CERN-ում (Շվեյցարիա) հրապարակեց աշխարհի առաջին կայքը՝ info.cern.ch հասցեով։ Այն չուներ ոչ գույներ, ոչ նկարներ, ոչ անիմացիաներ. միայն սև տեքստ սպիտակ ֆոնի վրա և կապույտ հղումներ։ Կայքը բացատրում էր, թե ինչ է World Wide Web-ը, ինչպես ստեղծել սեփական էջ և ինչպես որոնել տեղեկատվություն։
Հետաքրքիրն այն է, որ Բերներս-Լին գիտակցաբար չարտոնագրեց իր գյուտը և այն անվճար տրամադրեց ողջ աշխարհին։ Եթե նա այդ որոշումը չկայացներ, այսօրվա ինտերնետը կարող էր բոլորովին այլ տեսք ունենալ։
2013-ին CERN-ը վերականգնեց այդ էջը, և այսօր ցանկացած մեկը կարող է բացել այն և տեսնել, թե ինչից սկսվեց ամեն ինչ։ Այսօր աշխարհում գործում է ավելի քան մեկ միլիարդ կայք, և դրանց յուրաքանչյուրի հիմքում նույն HTML լեզուն է:
Թիմ Բերներս-Լին և առաջին կայքը՝ info.cern.ch